هذا مشروع الطالبة" بسمة "وهو مشروع تصميم مسكن خاص يتكون من طابق واحد والذي تم تصميمه خلال مساق
مبادئ التصميم البيئي والمعماري،،، المستوى الثـــــاني
وكان المشروع تحت إشراف:
أ.م . أحمـــــــــد الأسطل
م. هيفــــــــــــاء الشرفا
أحببنا أن نقدمه لكم كي يتم مناقشته تصميماً وإظهاراً ونتعلم من أخطائه لنتلافاها في المشاريع القادمة بإذن الله....

http://www.w6w.net/upload/03-08-2005/w6w_20050803072323e8579cb1.JPG

http://www.w6w.net/upload/03-08-2005/w6w_20050803072630bdcb5c74.JPG

http://www.w6w.net/upload/03-08-2005/w6w_200508030728077b5533ab.JPG

http://www.w6w.net/upload/03-08-2005/w6w_20050803072912aaf54da9.JPG

http://www.w6w.net/upload/03-08-2005/w6w_200508030731095c02ec1f.JPG

http://www.w6w.net/upload/03-08-2005/w6w_20050803073215ebbaef13.JPG

http://www.w6w.net/upload/03-08-2005/w6w_20050803073354ff1613b9.JPG

http://www.w6w.net/upload/03-08-2005/w6w_200508030734320f0a4692.JPG

http://www.w6w.net/upload/03-08-2005/w6w_20050803073647b00b7988.JPG

http://www.w6w.net/upload/03-08-2005/w6w_2005080307381267de0228.JPG

http://www.w6w.net/upload/03-08-2005/w6w_20050803073901a6eebd6e.JPG

يعطيكي العافية بسمة مشروع حلو بس عندي بعض الملاحظات التى أود أن تجيبي عنها للإستفادة

أولا لماذا اخترتي الواجهة الشمالية ليكون عليها المدخل وهذا جعل عندك محور طولي ممل في المسقط والمعروف في حالة قطعة الأرض الطولية يوضع المدخل في أطول طلع لتقليل المحمو الطولي وبالتالي مساحة ضائعة
ثانيا وضع غرفة المعيشة في الجانب الغربي يجعل هذه الغرفة حارة جدا نظرا لتعرضها لفترة طولية للحرارة

الواجهات جميلة ومتناسقة والمنظور متعوب عليه

سامحينا على النقد

الحقيقة ان مداخلتي هنا مش نقد

مداخلتي عبارة عن اعجاب بالمسقط وتوزيع الفراغات بهذا الشكل
واتصور توزيع نموذجي بالنسبة لقطعة الارض الموجودة

ومن أكثر ما اعجبني تراس منطقة الضيافة والجلوس
100%

بالتوفيق أختي

السلام عليكم000
في البداية الله يعافيك اخي امجد اما بالنسبة لسؤالك انا اخترت الشمالية ليكون عليها المدخل الرئيسي لانو تطل علي شارع رئيسي عنا بخانيونس"شارع البحر" اهم شارع في خان يونس عشان هيك كان عليه المدخل الرئيسي والمدخل الثانوي كان علي الشارع الفرعي000 هيك كانت وجهة نظري وبتمني تكون وصلت 00
اما بالنسبة للمحور الطولي انا حاولت اعالجه بالوس وكمان باختلاف منسوب غرف النوم وبالنسبة للمساحة الضائعة اعتقد انها مش كبيرة كتير00
اما بالنسبة لغرفة المعيشة واضح انو الفكرة الرئيسة هي احتضان لغرفة المعيشة بحيث تكون موجهة شمالي غربي هيك اخذنا000
وبالنسبة لامير شكرا كتير ع التعليق وحابة احكي انو غرف النوم اجت في هادا الاتجاه للبعد عن الضوضاء وكمان انا عالجت الشمس بالكاسرات00
بس مو فاهمة قصدك بالنسبة لانتظام الخطوط؟؟
ويا اخ امجد انا كنت متوقعة تشفير اكتر من هيك000 وبانتظار المزيد من تعليقاتكم وبتمني من اي حد عندو تعليق يكتبو مهما كان وانا بعد ما تخلص التعليقات رح احكي الكم اشي كتير مهم000
وكمان بستني تعليقات سميرة ورنا ونسب000 واكيد باقي الاعضاء ويا ريت لو مس هيفاء اعطت تعليقها مشكورة00
اجمل تحياتي00

بالنسبة للتصميم و الشكل العام للمسكن كثير جميل و كذلك الواجهات

و بالنسبة لغرف النوم في الجنوب لو انك راسمه الظلال صح لكان وجدتي انه المباني المجاورة من الجهة الجنوبية رح ترمي ظلال على المسكن في وقت الظهيرة
" انا مستغرب جدا كل الطالبات راسمة الظلال بالعكس الظاهر الظلال عند الطالبات بالعكس عن الطلاب "

بالنسبة للرياح التي لا تصل الى غرف النوم يعني رح تكون مكتومة كان من الافضل استخدام ملقف رياح و هو حل بيئي

بالنسبة للاظهار كان من الافضل و لو كانت الحمامات و المطبخ باللون الازرق

و احب ارد عن الامير بالنسبة لاستقامة الخطوط فهي استقامة الحوائط يعني لو قسمنا المسكن على شكل شبكة تكون الخطوط متواصلة و مثال على ذلك حائط المدخل الايمن و حتى غرفة النوم الرئيسية فهو على خط و احد بعكس الجهة الاخرى حيث كل حائط في اتجاه
وهذا طبعا يعطي اتزان في المسقط و كذلك للحل الانشائي و توزيع الاعمدة و الكمرات

بخصوص حمام غرفة النوم الرئيسة هل وضع الكرسي ملائم يعني المساحة مش كافية باعتقادي
كان ممكن تضيعي الملل الموجود في الممر بفتح حائط المطبخ
فتح غرفة الضيافة على الطعام على المعيشة أعجبني لأنه بيعطي اتساع وممكن الفصل عند الضرورة
الدرج الى على البلكونة الخاصة بغرفة النوم ما له لأزمة أعتقد ما له استخدام وبيقطع الخصوصية
الحمام الرئيسي عاملة له كاسرة شمس ""البلكونة""لماذا ؟المفروض يكون تشميس يعني لو ارجعتي بالحمام بمستوى غرفة النوم الأخرى كان أفضل وحل لكي تأخر غرفة النوم الزهرية التي ابتعدت ورجعت قليلا عن خط الشبكة بيغل بالشغل
عندي سؤال ليه مو رامية الظلال على الواجهات والمنظور وحتى المسقط كان أعطت احساس بالكتل واعطت جمال أكتر
بخصوص التلوين بدو شوية احساس يعني التغميق بمناطق وتفتيح بمناطق أخرى مش كله نفس الدرجة
ليه الواجهات مش واضعة فيها أشجار والمكملات المعمارية
الشجر في المسقط بعيد يعني ما بيلعب دور بيئي ككاسرة للشمس

إذا بدك كمان بنبحث عن تعليقات أخرى
ربنا يوفقك

في الحقيقة مشروعك ممتاز ومعالج بيئياً بشكل جيد ...
وواضح انه متعوب عليه ...
بس انا حاسس انك مبالغة شوية في تاكيد المدخل ...
يعني المظلة او التراس او الكتلة الضخمة اللي فوق المدخل تستخدم في الابراج او مبنى دراسي(بشبه مدخل مبنى طيبة ) مش لمسكن مكون من طابق واحد ...
كان ممكن يكون التراس في المدخل ارتب لوكان اصغر واوطى من الذروة ..
بس الكاسرات حاجة روعة ... و استخدامك للاشجار في الجنوب فكرة كويسة ..
وسهم الشمال البريء بذكرني بايام الطفولة !!!
يعطيكي العافية ..

السلام عليكم...
في البداية بحب اشكر كل اللي علقوا وبرضو انا بستني المزيد ويا ريت تحكي كل اللي بدك ايه يا اخ امجد لاني حابة اعرف شو رايكو بصراحة...
بالنسبة للاخ احمد عيسي الظلال في الموقع الخاص حكولنا خذو اتجه الشمس زي ما بدكو اما علي الواجهات فهي موجودة والو كانت مش دقيقة وانا بصراحة عندي عقدة نفسية من الظلال وما بحبها ابدا...
اما بالنسبة لاستقامة الحوائط انا لو بدي اعملها مستقيمة حيصير البيت مستطيل وممل كتير...
وكمان الكسرات الموجودة ماشية مع بعض... والملقف كنت بدي اعملو بس ما ظل وقت...
اما الاظهار انا بعترف انو الوضع عندي مأساة في التلوين و الاظهار ونفسي اخد دورة تلوين...
اما الاخ امجد ...
قصة الكرسي تبع الحمام انا اتبهدلت عليها من المهندس احمد والدكتور عبد الكريم بعد زودت المسافة وحكولي ماشي الحال هيك...
افتح حائط المطبخ؟؟؟؟ حرام.... ما بنفع عندنا هذا النظام لانو طول اليوم في شغل في المطبخ خاصة كمان انو المعيشة مفتوحة...يعني البيت حيصير طول اليوم ريحته اكل..
هاي مش كاسرة للحمام هاي كانت تغطية للتراس اللي عند الماستر وما بنفع ارجع الخمام لانو حيصير طويل كتير وانا جربت وما نفع...
الظلال والتلوين رديت عليهم... والمكملات ما ظل الهم وقت معي يدوب لحقت اخلصو هيك.. والشجر واضح انو موجود بدرجة كبيرة في الجهة الجنوبية ومو بعيد ...
شكرا كتير للاخ يحيي ع التعليق وتأكيد المدخل بصراحة انا زهقت من كتر ما حكولي اكدي المدخل فحكيت لازم اعمل شغلة ما يقولو زودي علها...
شكرا كتير للاخ ابو حميد ع التعليق ....
مشكورين...بانتظار المزيد...

عندي تعليق واحد
وهو كبر فتحات الشبابيك بغرف النوم أكبر من 2.5م وين الخصوصية؟؟؟
ام أردتي تكرار وحدة الشباك وهذا مشكلة

مرحبا....
بالنسبة لفتحات الشبابيك عشان يدخل اكبر كمية من الاضاءة والرياح وبعدين طلع معي التكرار في الواجهات بس اعتقد انو معك حق كان لازم تكون اصغر حفاظا علي الخصوصية....
شكرا ع التعليقات بس انا مستغربة لنة مو شايفة تعليقات طلبة تالتة؟؟
تحياتي

بسمة
يعطيك العافية....
مشروع متميز ،،، نبدأ بالإيجابيات
الوظيفة متحققة بشكل كتير مرتب ومتميز
وغرفة الضيافة والطعام والمعيشة فكرة ترتيبهم بهاي الطريقة أعطى حركة للمسقط
وممكن فتحهم على بعض لو في عزومة :)
الإظهار هادي وبسيط وخاصة تلوين المسقط...


أما السلبيات:(
طبعا حسب رأيي ....
الحمام الرئيسي وضعه هنا مش ولابد ... محشور،،
ومعزول عن البيت وكمان فتحة الباب مزنوقة للداخل وكمان قريبة كتير من فتحة غرف النوم
شوفي اللي موجود بغرفة المعيشة لوين بدو يمشي لما يصله!!!!
وكمان مساحته صغيرة رغم انه مساحة البيت كبيرة نوعا ما....

لكن مجهود يحتاج للشكر والله يوفقك ....