هذا مشروع الطالبة" رنـــــــــــــا "وهو مشروع تصميم مسكن خاص يتكون من طابق واحد والذي تم تصميمه خلال مساق
مبادئ التصميم البيئي والمعماري،،، المستوى الثـــــاني
وكان المشروع تحت إشراف:
أ.م . أحمـــــــــد الأسطل
م. هيفــــــــــــاء الشرفا
أحببنا أن نقدمه لكم كي يتم مناقشته تصميماً وإظهاراً ونتعلم من أخطائه لنتلافاها في المشاريع القادمة بإذن الله....

http://www.w6w.net/upload/03-08-2005/w6w_20050803064420a7296190.JPG

http://www.w6w.net/upload/03-08-2005/w6w_20050803064911d39e083b.JPG

http://www.w6w.net/upload/03-08-2005/w6w_2005080306505675a8520c.JPG

http://www.w6w.net/upload/03-08-2005/w6w_20050803065151213e9a9d.JPG

http://www.w6w.net/upload/03-08-2005/w6w_200508030653152b94b34d.JPG

http://www.w6w.net/upload/03-08-2005/w6w_200508030654240ab0fc8f.JPG

عندي شوية تعليقات على المشروع

الاول المدخل يفترض يكون بالضلع الطويل للمستطيل الا اذا كان فيه ضرورة
ومش لاقي لوحة الموقع العام حتى نشوف اذا كان مزبوط فيه ضرورة
ونفس الشيء لتوجيه الغرف وخاصة غرف النوم متل ما تفضل الامير

التاني الممر الطويل بداية من الباب الرئيسي وحتى باب غرفة النوم الرئيسية
طبعا هذا مشكلة تصميمية
صحيح انتي معالجة هذا الممر بالاقواس ليخفف منه
لكن انتي عملتي مشكلة ووضعتي علاج كان المفترض تتلافي هذا الممر بطريقة ما

تالت نقطة
تراس غرف النوم
يعني بحط دائرة حول هاي المنطقة لانها تحتاج لتعديل
ربط تراس غرفة النوم الرئيسية مع تراس غرفة نوم تانية هذا شيء ضد الخصوصية
وزاد من حدتها الدرج الخارجي للتراس
برأيي هذا الدرج بينفع لو كان مفتوح على غرفة طعام او مطبخ مو غرفة نوم رئيسية

أعجتني النهاية للمبنى
واعطت انطباع بتلاعب في الكتل

يعطيكي العافية اختي
اتمنى الك التوفيق

تصميم جيد و الواجهات جميلة
لكن هناك بعض النقاط في التصميم وهي :
- بالنسبة لتوزيع الغرف من حيث التشميس اعتقد وضع غرفة النوم الرئيسية سيء حيث وقعت في الجنوب
- المطبخ بعيد نسبيا عن غرفة الطعام كان من الافضل لو كانت غرفة الطعام بدلا من غرفة الضيافة و فتح باب من المطبخ على غرفة الطعام
- كذلك بالنسبة للمدخل في الضلع القصير غير مناسب لانه سوف يزيد من استطالة المسكن و كما لاحظت في جميع التصاميم عند الطالبات المدخل في الضلع القصير
-بالنسبة لدرج الخدمة اعتقد ان هناك خطأ في اظهارة حيث يظهر ثلاث درجات و ليس كل الدرجات ثم 7 درجات يكون بعدها خط القطع هكذا تعلمنا وهذا واضح فيجميع تصاميم الطالبات
- بالنسبة للظلال في الموقع الخاص اعتقد انك ماخدة الظلال عند شروق الشمس في فصل الصيف حسب سهم الشمال

و يكفي كده و اكيد متفهمين انه هذا النقط للمصلحه حيث ان هناك تصميم فيلا الاحلام الفصل القادم

و رح اشوف باقي الفلل و ارد عليها

مرحبا ... بالنسبة للمدخل ..كان المفروض إنو يكون في الضلع الطويل بس السبب الرئيسي اللي قيدني في اختيار المدخل هو مكان الحمامات لان افضل توجيه الها انها تكون في الناحية الجنوبية ...واحنا تعلمنا ان اسوأ حاجة تكون الحمامات على الواجهة الرئيسية............
اما بالنسبة للتراس فهو غير مشترك مع غرفة النوم الرئيسية
والدرج كان الهدف منه الجلسة الخلفية
بالنسبة للممر الطويل لم تكن نهايته غرفة النوم الرئيسية

بيت الدرج احنا هيك تعلمناه
أما غرفة النوم الرئيسية معك حق انها ما كان لازم تكون في الجهة الجنوبية بس أنا حاولت معالجتها بالكاسرات
بالنسبة لفرف النوم الثانية فأنا كانت فكرتي التدرج للاستفادة من توجيها شمالي غربي
شكرا على النقد

أولا بخصوص الحمام الخاص بغرفة الطعام كان من الأنسب لو فتحتي قوس أو باب من غرفة الطعام للحمام حتى ما يلف من غرفة الطعام للحمام
ثانيا بخصوص فتحات الشبابيك لغرفتي النوم كبيرة يعني من الملاحظ أنها تقارب مترين يعني كان بيكفي شباك واحد 120سم ولكن أردتي تكرار الوحدة وهذا ما خدمك اردتي تحافظي على التماثل وهذه الفتحات الكبيرة فيها اقتحام للخصوصية غرفة النوم الرئيسية سينما....
ثالثا بخصوص البلكونة المفتوحة على غرفتي النوم فيها اقتحام للخصوصية والمشكلة الأكبر عاملة درج على الخارج؟؟؟؟؟؟؟
رابعا بخصوص تقديم وتأخير الحواط والبعد عن الشكل الشبكي ما له مبرر عندك إلا أنه يعمل مشكلة في البناء يعني لو كان ألتقديم والـاخير أكبر يمكن كان له معنى.
بخصوص بلاط برندة المطبخ مثل المطبخ هذا أظن مش مزبوط
خامسا بخصوص وضع المدخل على المحور القصير سبب ملل وطول المحور يعني انت مكملاه من المدخل حتى درج بلكونة النوم كتير طويل فيه حوالي 16م تقريبا؟؟
بخصوص الظلال مش واضحة كان ممكن تعمل جمال أكثر
الإظهار بده شوية تمكن واحساس أكثر باللون ودرجته يعني الواضح عندك زي بلوكات

بدي أعلق على تعليم اللجنة وهذا خطأ غالبنا أخطأ فيه وهو كسر السقف
وين المجسم مش شايفه؟؟؟؟
اللقطة المنظورية عندك فه مشكلة كان ممكن تفبريكيها وهو تلاقي خط الحائط مع خط الدرج سبب خداع بصري..
تنسيق الموقع بدو شوية شغل

يعطيكي العافية

مالكو يا شباب .. شوي شوي عالاخوات .... ارجوكم رفقاً بالقوارير!!!
يعطيك العافية اخت رنا ... شغل جبار وواجهات جميلة وكاسرات رائعة ومدخل جميل ...
اعتقد هيك بكفي مدح وثناء ... نيجي للكلام الجد ...
الدرج كله غلط في غلط ..
حمام الضيوف شمالي يعني برضه غلط ..
بعدين في المنظور عندك بيت الدرج والبلكون والغرفة المجاورة الها على نفس الاستقامة وعلى نفس المستوى الراسي وبالتالي مافي داعي للخطوط الراسية الفاصلة بين بيت الدرج والبلكونة والغرفة ..
والحل لمشاكلك موجود ...
فبامكانك تشقلبي المسقط 180 درجة ( الغربي شرقي والشرقي غربي)وتستبدلي بيت الدرج بالمدخل وبيت الدرج تضعي في الشمال ...
وحطي حمام الضيوف بين غرفة الطعام والضيافة ...
يعطيك العافية ...
والى الأمام ......

صحيح الدرج خطأ لاحظي عدد الدرجات في المدخل الفروض يكون عندك نفس عدد الرجات في درج الخدمة الا اذا في منسوب تاني
في القطاع شغالة صح بس في المسقط لالالالالالا

السلام عليكم...
حابة أوضح شغلة يبدو إنه صار فيها لبس ،،، رغم انها مش موضوع نقاشنا
لكن بلاش يصير إشكال فيها
بالنسبة لدرج الخدمة ، فهو هكذا صحيح ، وهكذا تعلمناه...
وسأوضح لكم هذا على درج مسقط رنا
هذه صورة الدرج واضحة

http://www.w6w.net/upload/06-08-2005/w6w_20050806164406d5380bbc.JPG

بداية هي رافعة البيت بمنسوب 4 درجات ...
يوجد درجة خارجية(خط واحد مش اتنين التاني مع السرعة لكن هو مش موجود)
عند باب الدرج ، هيك بيبقى 3 درجات داخلية
وبندخل لمستوى البيت 4 درجات ...
الأخ أحمد عيسى كاتب إنه فقط نرسم 3درجات وال 7 الباقيين ما نرسمهم...
الصحيح إنا نرسم 3 درجات وال7 درجات الباقيين بنرسمهم خط متقط لأنهم بيكونوا فوق
خط القطع والمقصود فيهم الشاحط العلوي ..
زي منرسم خط متقطع على المسقط ليوضح وجود كتلة تأكيد المدخل مثلاُ ...

أتمنى يكون توضيحي وصلكم ....

بالنسبة لمجسم رنا وكذلك باقي اللوحات
لم يكن موجود يوم مصورنا المشاريع وإن شاء الله بنحاول نصورهم ...

يعطيك العافية يارنا مشروعك ما شاء الله عليه...
أذكر جيدا ماقاله الدكتور عبد الكريم عند المناقشة فقد أعجبه المسقط كثيراً
وقلك أنت بييجي منك.،،، وأكثر ما أعجبه هو فكرة توجيه غرف النوم وتدرج الفراغات...
لكن بعتقد يارنا لو ركزتي في لوحة الفكرة على حكاية توجيه الغرف والتدريج الهادف لكان
أحسن من تشتيت الناظر للوحة ولكان ظهرت فكرتك بوضوح أكتر......
مع تمنياتي لك بالتوفيق دائماً :) ...

مرحباً

يعطيكو العافية على هالتشفير...

أول اشى بالنسبة لغرفة الطعام إنها من الأفضل لو كانت بدل الضيوف وتفتح بباب عليه فهذا الإشي فعلاً

أنا كنت عاملاه بس غيرته عشان تكون غرفة الطعام أقرب ل wc وعلى فكرة أنا كنت فاتحة باب في غرفة الطعام

بس بعد ما خلصت المسقط اكتشفت اني ناسية أعملو....

أما كون الwc شمالي فهذا الإشي مش مهم لأنه يستخدم في المناسبات فمش هيأثر كتير وحكيت للجنة وحكولي

أنه عادي ومش مهم انه يكون شمالي ولو في أي مشكلة كان ماخليته شمالي...

بالنسبة للتراس أنا ماكنت عاملاه ولكن اللجنة نصحتني أعمله فعملته بعد ما اقتنعت برأيهم وأنا مش شايفة انه وجود

التراس بيحد من الخصوصية كان ممكن انه يحد منها لو كان في غرفة النوم الرئيسة لكن غرف النوم التانية شي عادي

وخصوصاً انها تستخدم كمان للدراسة ممكن الواحد يغير جو ويدرس في التراس...

وعلى فكرة أنا مش شايفة انه اشي سيء يكون بلاط البلكونة نفس بلاط المطبخ بالعكس عادي..

معكم حق في المنظور عنجد ما كنت منتبهة الها بالمرة وما كنت قاصدة أعمل خداع بصري ،

وشكرا انكم نبهتوني...

بس ممكن توضحلي شو بتقصد في انه اظهاري زي البلوكات؟؟؟؟؟؟؟؟؟؟؟؟؟؟؟

ياريت يا أخ أمجد تحكيلنا شو الغلط في كسر السقف ماحدا نبهني الها ومش عارفة ليش اللجنة علمت عليها؟؟؟؟!!!!!!

خلي الكل يستفيد...

بالنسبة للظلال على الواجهات واضحة في اللوحات الأصلية بس يمكن من التصوير...





شكرا كتير ياسميرة على توضيح الدرج هادا كنت بدي اقولوا ...

فش داعي كرره

أتمنى أكون وضحت وجهة نظري...

.



في أمان الله

بسم الله نبدأ



أنا لم أعلق على مشروع منذ فترة طويلة تمتد لعدة سنوات وهذه فرصة وقد جاءت (لعندي) كما يقولون... ولكن لا تهتمي كثيرا لكل التعليقات التي سأوردها إلا إذا قلت بأن هذا مهم... واعذريني إذا كررت شيء مما قيل مسبقا..

مهم: عرض تطور الفكرة والمخطط الذي يليه (ليس له اسم) لا يصح بدون رسم الشوارع أو بمعنى أصح البيئة المحيطة...

مهم: الجهة التي افترضت قدوم أشعة الشمس منها مستحيلة (أعتقد الموقع في غزة)... وهناك إظهار يبدو لسور محيط بقطعة الأرض اليتيمة ولكن لا وجود له مع الظل!!!!! أو تحت النخل؟؟؟

لن أعلق كثيرا على تنسيق المنطقة حول المنزل لانكم لم تدرسوا بعد تخطيط وتنسيق المواقع...

مهم: علاقة المطبخ مع غرفة الطعام بالتأكيد غير صحيحة ... وردا على أحد إجاباتك أقول بأن علاقة الضيوف بدورة المياه أقوى من علاقة غرفة الطعام بها... (يجدر مراجعة مفهوم "العلاقة الوظيفية").

مهم: وضع المطبخ سيء لسيدة فلسطينية تقضي ساعتين أو ثلاثة في المطبخ دون أن ترفع رأسها لترى منظر خارجي جيد...

مهم: حمام غرفة النوم الرئيسية يكون بالكامل داخل غرفة النوم الرئيسية (جزء أساسي منها) وعليه يجدر تبديل مكان الباب والقوس في مدخل هذه الغرفة... هذا من ناحية ومن ناحية ثانية يجب تبديل مكان باب الحمام الخاص إلى الجهة الثانية لقطع خط البصر الذي يمتد دون عائق من غرفة الجلوس حتى المرحاض... (حاولي أن ترسمي خطا بين شخص جالس يشاهد التلفاز والمرحاض داخل الحمام الخاص ومن ثم تكون نفس الملاحظة للحمام الرئيسي)...

مهم: لا يصح (عموما) أن تشترك غرفتان في بلكونة (هذا يعني أن الغرفة التي تطل شبابيكها على البلكونة ليس لها خصوصية)... وعلى فكرة أنا لا أرى تراس (بدون سقف) في هذا المنزل...

مهم: غرفة الجلوس مظلومة جدا من حيث العلاقة مع الخارج وكان يمكن بكل بساطة إيجاد امكانية للخروج إلى الحديقة...

مهم: لا أرى كاسرات شمس للجهة الجنوبية (بالتأكيد ما يوجد حول الشبابيك هو محاولة لإعطاء قيمة جمالية لأني أراه متكررا في الواجهات الشمالية والغربية والجنوبية مع حقيقة كونهم مختلفين جدا بالنسبة للشمس)

بالنسبة للدرج الذي اختلفتم عليه... تعليقي هو أنه 13 درجة غير كافية للمرور من تحتها لانها ستعطي ارتفاع قدره (16*13) -18= 190 سم ... في أحسن الأحوال

بقي أن أقول أن الإظهار جيد ويمكن أن يكون أفضل بكثير (بدون الشبلونة ودون الغيوم العصبية ومع استخدام أفضل للألوان و...غير ذلك) والمدخل مؤكد بشكل جيد جدا وربما مبالغ فيه ولا غضاضة في سقف بيت الدرج أن يكون كذلك ورسم المسقط يوضح درجتين عند مدخل بيت درج الخدمة وليس درجة واحدة... وكما تعرفين أو ستعرفين خلال دراستك (والكلام للجميع) أن النقد (الحكي) سهل جدا... وأن العمل هو الصعب ولذلك يحق لك أن تفتخري بأنك عملت وأنجزت هذا العمل ولا يحق لمن علق أن يفتخر كثيرا بما قال... وعلى فكرة مناقشة مشروع فكرة ممتازة جدا على ما أعتقد...

صحيح يارنا أنا مش شايفة انك عاملة درجتين عند باب الدرج
أكيد هادا من السرعة وانت قاصدة درجة واحدة والخط التاني لازم مايكون موجود هيك بيصير تمام
انتبهي يارنا.. :mad:

السلام عليكم
معلش يا رنا اعذرينا اتأخرت عليكي في التعليق
بس أكيد بتعرفي إنو كنت مشغولة بتسميع القرآن
المهم
في البداية بدي أهنيكي على مشروعك إللي أكيد إنك دايما راح تفتخري فيه على الرغم من أخطاؤه
كتجربتك الأولى في التصميم (يعني راح يضللوا ذكرى مميزة عن غيره)
مجهودك كان واضح في المشروع و الله يعطيكي ألف عافية يا رب


عجبني كتير تعليق المهندس أنور الله يعطيه العافية كفى ووفى و أكيد كلنا استفدنا من خبرته و يا ريت دايما يعلقلنا على مشاريعنا و يعطينا رأيه
من خلال قراءتي للتعليقات في بعض النقاط استوقفتني و هي
_الأخ أحمد عيسى ذكر إنو توجيه غرفة النوم الرئيسة جنوبي (سلبي)
بس أنا شايفة إنو إلها شباك غربي و بهيك بتكوني حليتي مشكلة التهوية (الغربية) و الكاسرات خلصتك من شمس الجنوب وأكيد شباكين في الغرفة حيعمل حركة للهواء في الغرفة.

-و كمان توقعت إنك ما حطيتي غرفة الطعام بدل الضيافة لأنك فضلتي التوجيه الشمالي بالإضافة للشرقي بدل
الجنوبي مع الشرقي لأنه استخدامها يومي
و لو إنك حتظلمي الضيوف بس بيضلوا استخدام غرفة الضيوف قليل.

_كمان تعليق الأخ أمجد على كبر شبابيك غرفة النوم أنا من رأيي إنو ما في مشكلة و كلنا بنذكر القضية إللي رفعتها مالكة منزل فرانسورث على ميز فان ديروه و خسرتها لأنها كان بسهولة ممكن تركب ستاير.(بس بتضلها وجهة نظر).

_بالنسبة البلكون إللي في جناح النوم أولا أنا باعترض على كلمة تراس (المفروض التراس أكبر من هيك بكتير) المهم أنا فعلا مش شايفة مشكلة في اشتراك غرفتين فيه طالما ليسو غرف نوم رئيسة بس إللي ما عجبني الدرج و هادا رأيي بس بالآخر بيرجع لمتطلبات المالكين إللي إنتي مثلتيهم.

_كان عندي نفس التعليق تبع المهندس أنور غن (الباب و القوس) في غرفة النوم الرئيسية.

هاي بعض تعليقاتي و في النهاية يعطيكي ألف عافية كمان مرة
و ألف مبروك على مشروعك:o

معلش بس نسيت أعلق على الدرج

إللي واضح إنه عمل مشكلة
توضيح سميرة رائع بس المشكلة في الخط الزيادة
إللي قدام باب بيت الدرج و أنا متأكده إنو مش المقصود فيه درجة و لكن غلط في الإظهار
و على كل حال منسوب 3 درجات للوصول لمنسوب أرضية المنزل من داخل الدرج ما بعطيني ارتفاع جيد لباب بيت الدرج مثل ما سبق توضيحه

و ياريت لو كنتي وضحتي الشوارع في الموقع العام

يلا يا ستي
هي يعطيكي العافية (تالت مرة)
سلام:cool: :cool:

الألوان المقصود بها بلوكات اي درجة اللون واحدة لا يوجد بها تدرج في اللون او احساس بالزوايا ومناطق الظل
بخصوص كسر سقف الدرج يسبب مشكلة انشائية والمفروض يكون مستقيم او يعالج بطريقة اخرى هذا ما قاله لي احد المهندسين المعماريين

مجهود كبير ،، تشكري عليه أخت رنا..
الواجهات كتير حلوة والكاسرات مميزة وغريبة
لكن عندي بعض التعلقات..(مجرد وجه نظر)
بالنسبة للفكرة إظهارهاكان بدو شوية شغل و حاسة انه الفكرة مش هالوضوح...
أما الممر الطويل فالأخوة حكوا عنه.
ولو وضحت الظلال على المنظور لكان كتير أحسن...

لكن بصراحة مشروع رائع ومجهود جبار:)
الله يعطيكي العاقية

[هذا المحراث كان يستعمل في اثناء عملية قلب الارض وتحضيرها للزراعة .. ومما هو معروف انه كان يحمل على الدابة لحرث الارض وهذا العمل كان يستغرق وقتا طويلا وهذا مما يعطي صورة ولو بسيطة عن صلابة وجلادة الانسان الفلسطيني وقوة حبه وارتباطه بالارض .. تخيلوا هذا العمل الجبار ومعاني حلاوة الحياة الاجتماعية التي كانت تختبأ في ثناياها .
Im000268.jpg (688.2 كيلو بايت)

thnxxxaaaaaaaaaaaaaaaaaaaaaaaaaaaaaaaaaaaa

مشكورين يامهندسات المستقبل

تماااااااااااااااااااام
.. بس الصور ما ظهرت -
ييييييييييييييي

هوه ليه الصور مش ظاهرة

يعطيك العافية رنا على المجهود

والله الجماعة حكوا كل شي وكفوا ووفوا

تحيتي شوشا