السلام عليكم,,
من باب الافادة ,, سأعرض منظور لفيلا تصميم 1 و هي من تصميمي انا,حتى أفيد طلاب سنة تانية في تصميم واجهات مشروع الفيلا
الفكرة التصميمية هي اضفاء روح العصرية من خلال استخدام الاشكال الهندسية الأولية و بشكل صريح و انعكس ذلك على الواجهات من خلال استخدام كاسرات كبيرة نسبيا و بأشكال بسيطة حتى تبرز الفكرة
تم الاعتماد على الاتزان و الابتعاد عن التماثل
التاكيد على الزوايا الحادة و الهرم
الهرم هو استوديو معماري
أرجو ان أكون قد أفدت,, و بدي أسمع تعليقاتكم اذا سمحتو
و تحياتي للجميع و موفقين
http://www.w6w.net/upload/05-05-2005/w6w_w6w_20050505170213d35f3c2f.jpg

ما شاء الله
حلوة كثير و عصرية
و كمان المنظور و الالوان رائعة
شو المساقط سر ولا ايه ؟
تحياتي

تحياتي لك شي حلو كتير واكيد المساقط مش سر

مشكورة

بالفعل استخدامك للاشكال الاساسية هو الذي جعل مشروعك يتماشى مع الروح العصرية للمباني وباعتقادي ان كل شكل من هذه الاشكال تم توظيفه على حسب ما يتم فيه من نشاطات وبالفعل كان كل شيئ بموضعه المناسب
فالمدخل اخذ شكل المنشور مثلا وباعتقد ان صالة المعيشة اخذت شكل الاسطوانة وان جناح النوم تم عزله واخذ شكل متوازي مستطيلات او ما يقارب المكعب بس اللي ما استطعت معرفته هو الهرم علي شو بيحتوى من فراغ الله اعلم اكيد فيه سر
على فكرة مشروعك بحس فيه نوع من العظمة وخاصة استخدامك للهرم "بدون زعل "لانه بذكرني بالفراعنة واستخدامهم الاهرامات لوضع مقابرهم فيه وهذا مش عيب لانه بالفعل هو اللي اعطى لمشروعك العظمة والجمال
بالنسبة لتوزيع الكتل كنت بارعة فيها لان فيها تلاعب بالارتفاع مع الاندماج اللي بتحس المبني كانه كتلة واحدة
اما بالنسبة لكاسرات الشمس خلينا اقول انك هربت من كاسرات الشبابيك وزلك بتحريك الكتل والتلاعب بينها فكانت بمثابة كاسرات شمس وكذلك تم معالجة اشعة الشمس باضافة الاشجار في الناحية الجنوبية الشرقية والجنوبية الغربية
بس ضروري تخبرينا شو هذا الهرم بيحتوي من فراغ
ومشكورة يا اخت سلام على هذا المنظور ،وبفضل ما تعرضي اي مساقط افقية للمشروع لانه لازم الكل يعرفه من خلال الظلال على المنظور "اكيد الكل فهمني شو بقصد "
والله يعطيك العافية

الفيلا جميلة وتعتمد على اشكال اساسية واضحة
وطريقة الاظهار جميلة
واضح كمان ان المبنى عضوي ومندمج مع الطبيعة
وانا شايف انك مبالغة في هذا الجانب

مشكورة يا سلام على الموضوع
يعطيكي العافية
تحياتي

لا يا ابو حميد انا مش شايف انه البني عضوي والله ليكون فرانك ماثر عليك كتير وبعدين الخضار حلو كتير ولا يوجد اي مبالغة في استخدامه

يا سلام عليك يا سلام... عنجد يسلمو ايديك ع الصورة .... كتير حلوة... يعني فكرة حلوة واظهار متميز...
واجت في وقتها بس يا ريت تنزلي المساقط والواجهات كمان....
بالتوفيق ودوما نحو النجاح...
اجمل وارق تحياتي...

مشكورين على التشفير,, و لا لجنة التقييم!!!
المهم,بالنسبة للمساقط هي مش سر و لا اشي بس الاميرعرف بالضبط شو هي,, فلذلك لا داعي منهم
أما اللي زعلني منكو جميعا هو انكو ما قرأتو اللي انا كتباه و هو انو
(الهرم هو استوديو معماري)
و بعدين بالنسبة للعضوية,, الاندماج مع الطبيعة كان محقق و لكن الاهتمام بالشكل كان هو الفكرة الرئيسة و الاهتمام الاكبر موجه الو
اما بخصوص الهرم و الفرعونية: الدكتور عبد الكريم وجهلي هاد النقد, بس الرد انو الشكل دائما ينطلق من من فكرة و الفراعنة استخدمو الهرم من اجل تحقيق فكرة العظمة و الخلود و تم اشتقاق الشكل من الجبل
بس انا في الفيلا استخدمت الهرم لتحقيق فكرة التميز لفراغ متميز متل الاستديو المعماري و عالجتو بمعالجات تقيلة و هو نفسو بيوحي برضو بالثقل ليعطي عظمة المعماري و يقدر يرضي غروره الفكري
و اذا مصرين على المساقط .... هحميكو بزيادة و هاخليها مفاجاة

على فكرة انا ناقشت مع ابو حميد موضوع العضوية بالنسبة للفيلا وقلتلته لا يوجد اي مبالغة بالعكس بل اضاف جمالا للفيلا بس حقيقي انا ما اخذت بكلمة استديو المعماري مع اني قراتها وبراي انه موقع هالاستديو مناسب بحيث تحيطه الطبيعة من كل اتجاه وخاصة انك قمت باضافة الخضار والاشجار فجعلت المصمم اللي بداخل هالاستديو مرتاح نفسيا ووضعت امامه الطبيعة
اما بالنسبة للمساقط بتمنى تعرضيها ولكن بعد الانتهاء من مشروعنا لانه بخاف هالفكرة اجدها عند احد من الشباب

احنا مصرين على المساقط والواجهات حتى يصير الموضوع من المشاريع الكاملة
ولا انا غلطان ؟
يلا بننتظر اضافتهم
تحياتي

اه والله كلام احمد سليم....
ضروري ياسلام تزودينا بالمساقط خاصة انه مشروعك مميز...خلينا نستفيد.
تحياتي...

بس لو ممكن يا سلام تعملي فينا معروف توضحي النا كيف تم معالجة الفراغ الذي بداخل الهرم وكيف تم فرشه وان كان هناك مسقط افقي بيكون نور على نور
والله يعطيك العافية والى المزيد من التفوق والتقدم

الإنتظار طال ومش شايفين مساقط
الفكرة والله حلوة والأحلى الجرأة في استخدام بعض الأشكال الغريبة على الفيلا على الأقل وبتكفي تعليقات الشباب

تحياتي

باعتذر عن التاخير و لكن كان بسبب المشاريع و الامتحانات و انتو اعلم في الوضع بس عند و عدي و هاي هي باقي المساقط و الواجهة الرئيسة و قطاع في الهرم

http://www.w6w.net/upload/14-06-2005/w6w_20050614111542f72ba171.jpg

http://www.w6w.net/upload/14-06-2005/w6w_20050614111903933d4cd4.jpg

http://www.w6w.net/upload/14-06-2005/w6w_200506141120583469f647.jpg

http://www.w6w.net/upload/14-06-2005/w6w_200506141122386e7f6c38.jpg

http://www.w6w.net/upload/14-06-2005/w6w_2005061411235609c0257f.jpg



بس بالنسبة لفرش الهرم في المسقط,,, انا فرشته بس بتفصيلة بعيدة عن المسقط نفسه, بس نسينا نصورها, و تم تفصيل فرش الهرم لانو خط القطع للمسقط كان على ارتفاع متر و نص اما خط القطع في الهرم فكان على ارتفاع تسعين سم و ذلك حتى اتمكن من فرشه لان الهرم بيظهر في المسقط جزء من واجهته فما بنقدر نفرشه الا على ارتفاع خط قطع منخفض بس يا ريت الفكرة تكون وضحت و طريقة الفرش بانت في القطاع

و انشالله هاعرض مشروع البستنة و مشروع محطة البترول و المركز التجاري بمجرد اني اخد الصور من القسم ان شاء الله

مشروع كتير رائع فيه فكر وابداع واتنمى من الله ان يوفقك لكل خير
التصميم كتير حلو والاظهار كتير رايق
غرفة النوم في الطابق الارضي اظن مكانها غير مناسب بجوار المدخل وبيتمنى توضحي شوى عن فرش الحمامات
تحياتي

مرحبا...
شكرا كتير الك سلام ع الصور وبنستني باقي المشاريع...
انا بس عندي مشكلة انو الصور مو راضية تظهر .... واكتر من مرة حاولت افتحها ع الفاضي...
ما بعرف ليش؟يا ريت اذل حدا عندو تفسير يحكيلي؟؟؟

اخيرا المشروع اصبح كاملا
المشروع كثير رائع
لكن اذا ممكن تحكي لنا عن فيلا تصميم 1 و المسماة بفيلا الاحلام الى اي مدى ممكن الواحد يحلم فيها ؟
اقصد ما هي قيودها؟ وهكذا ....

تحياتي

ما شاء الله عليكي يا سلام
ايوة كده المسقط بين على حقيقته انه رائع كتير
كان لازم تنزيلها قبل ما شفرتك بس يلا بسيطة ...
حقيقي انا تفقدت مسقطك كويس حتي بس لو اجد غلطة ما لقيت كل اشي تمام والهرم اللي ضحكت عليه لما شفته هلا بالعكس احترمته كتير كتير وبتاسف اذا ضايقتك من تشفيري بس الفرصة امامك لتشفريني بمشروعي ومش هزعل " مشروعي من ضمن المشاريع اللي تنزلت على الموقع "بس مش نازل باسم الامير لاني حابب تشفري كل المشاريع

ما شاء الله
مشروع جميل ومميز

عندي تعليق بسيط
لفت نظري في الواحهة الرئيسية انك راسمة خطوط امام الواجهة الرئيسية
خطوط منظورية
ما اعرف شو المغزى منها

برأيي انه فيها شوية تناقض
لان المنظور بيختلف عن الواجهة تماما متل ما بتعرفي
وما بيجوز الخلط بينهم في لوحة

بالمناسبة هذه المشروع نشر في مجلة العمران
في اخر اصدار من الجامعة الاسلامية

الف مبروك يا سلام
مشروع مميز ويستاهل اكثر

تحياتي

بعتذر عن انشغالي الاخير عن الموقع,,, بالنسبة لك امير,,, المسقط مش خالي من العيوب متل ما انت متصور,,خلال المناقشة تم نقد تقاطع محاور الحركة بين محور(غرفة الطعام و المطبخ) و المحور الرئيسي للحركةو انا بنقد نفسي بانو التقاء الهرم ضعيف,,,و ان كان موقعو الوظيفي جيد و شكلو حلو
و بعدين كم المشاريع اللي نزلت كبير,,و كلهم كويسين ما دام اللجنة مختاراهم,, بس باعتقادي مشاريع الطالبات اللي بنفس مستواكم كانت احلى و ان كانت مجسماتكم اجمل
اما بالنسبة الك ابوحميد,,, الخطوط اللي في الواجهات مش اكتر من نوع من الاظهار و اعطاء عمق للصورة,, و

ما في اشي ما بينفع,, و يحق للمعماري ما لا يحق لغيره

اهلا اختي

بالنسبة لموضوع الخطوط المنظوريه بالواجهات
يمكن انا معي حساسية منها
ما اتقبلها
بدي زيارة للدكتور عشان ما اعلق عليها

هالموضوع بالذات
دار نقاش بيني وبين زميلي في نفس النقطة من فترة بسيطة
وحكيت وجهه نظري فيها طبعا في حدود خبرتي وقناعاتي
ووعدت بزيارة احد اساتذتي في العمارة حتى اعرف الصح
لكن الطرق مسكرة بالايام الماضية
والحمد لله فتحت ورح ازور الجامعة قريبا واسأل بهالموضوع

اذا عايزة تشوفي وجهه نظري تفضلي الموضوع
http://www.m3mare.com/vb/showthread.php?t=455&page=2

تحياتي

السلام عليكم
ياسلام.....

شايفة انه المطبخ شمالي غربي في الطابق الأول
هيك الرياح هتوزع (الروائح) على كل البيت!!!!
ولا هادا مش المطبخ؟؟؟

ياريت توضحيلنا علشان تصميم 1
وتشكري

اريد اى وجهات للمبانى

انا الصورمش ظاهره عندى

السلام عليكم انا فى تانيه قسم هندسه معماريه مطلوبفى مشروعى فيلا دور واحد اريد منكم المساعده فى الوجهات.ارجو الرد