قبل ما تشطح بمخك لبعيد، أنا مش حتكلم عن اسس تصميم و كلام كبير من هاد لاني باضل صغيرة في التصميم و انا لسة طالبة (بتشفر) في المرسم كل مرة ، لكن حتكلم عن التصيميم نفسوا .. يلا نبلش

أولاً:
يجب تحديد الفكرة ، وهو بالطبع أمر بديهي ، يعني مش محتاج فلسفة وشرح ، لازم تعرف إنت حتصمم شو .

ثانيا:
تحديد عناصر التصميم ، وطبعا هنا ممكن تبدأ بعنصر واحد ومن ثم تحتاج عنصر آخر ، لكن المهم هو أن تضع عنصر مركزي ، وعناصر أخرى تخدمه .
ثالثا:
أبعاد مساحة عمل التصميم ، يعني مقاساتوا ، وهنا توجد قاعدة وهي 3 إلى 4 ، يعني إذا كان العرض 3 سم ، فيجب أن يكون الطول 4 ، والعكس صحيح ، وطبعا بتقيس على ذلك يعني لو عملت العرض 40 يجب أن يكون الطول 30 إلخ ..

رابعاً:
مركزية التصميم ، وهو يعني أين ستضع العنصر المركزي للتصميم ، وسألحاول أن أشرح وإن لم تستوعب أرجو السؤال ، يعني لما الواحد بيحط كونسبت المفروض انو يكون في عنصر مؤكد بالتصميم و ما يكنش التصميم عايم و كله متل بعضه بحجة الاتزان (المفروض اني ارفق صور , بس انا ما بعرف كيف ارفق الصورة بما اني بعدني مبتدءة و المشرفين عن الموقع طنشو استفساري عن كيف بنضيف صورة للموضوع ;) )
خامسا:
وزن التصميم ، مش إنك تحطوا على الميزان وتشوفوا أكم كيلوا ، لأ طبعا ، وزن التصميم يعني إن لا تكون فيه مساحة مليانة على حساب مساحة أخرى فارغة ، يعني ما تروحش تحط عناصر على الناحية اليمين وتسيب الشمال فاضية ، في الحالية هاي عين الناظر ستذهب إلى الناحية المليانة وتترك الناحية الفارغة ويشعر الناظر إنه مايل في ناحية ،فلازم اللي يشوف تصميمك يحس انو متزن, و هاد الاتزان حضرتك يا مصمم بتعملو عن طريق المعادلة بين السد و المفتوح, او بين الامتداد الافقي و الراسي..

سادسا:
الألوان ، وهو موضوع نسبي - على شان ما حدا يزعل - لكن إبعد عن البشاعة ، وعن الألوان الأساسية ، يعني إبتعد عن وضع الأحمر الحقيقي أو الأخصر الحقيقي وخود من روح الألوان ، ودمجهم ، وتذكر أنه من كل لون لديك 256 درجة ممكن التحرك فيهم ، أيضاً تذكر أنه يوجد شيء إسمه ألوان متنافرة ، مثل الأزرق والأخضر أو الأحمر والأصفر .. وأيضأ سأحاول كتابة موضوع عن تناسق الألوان ..

سابعا:
هادا الكام كلوا ، يتبع مدرسة في التصميم يطلق عليها المدرسة الأوروبية وهما المصممين الأوائل ، وعندما بدأ الأمريكان في مجال التصميم ، حاولوا إبداع مدرسة جديدة ، وارتكزت بالأساس على كسر قواعد المدرسة الأوربية كليا ، لكن حافظوا على الجمال ، بمعنى أنهم أبدعوا ، لكن بدون قواعد ، وهو موضوع صعب لكن إن أردت أن تحاول فلك الحرية ، ولتختبر نفسك ، يكفي أن تسأل نفسك وأنت تنظر إلى التصميم ، هل عيني مرتاحة وهي تنظر أو لا ...

أرجو أن أكون أفدت ، ويا ربت تدعولنا ، بعد ما تتوضوا :)

ما شاء الله
شو هاي سنة اولى

هذا بعد ما تتخرجي بتصيري تقولي عن شغل فرانك لود رايت شغل اطفال

بالاول حاب ارحب فيكي واقولك
انه اسعدني وجودك في المنتديات
ومن اول مشاركاتك وانا استبشر خير
والله يوفقك

بالنسبة للموضوع
في قمة الروعة
وخاصة على رايك لتبع سنة اولة تصميم امثالنا
يعني اللي بيقولوا يا هااادي في التصميم
يعني اللي بيتشفروا في المرسم ( على رايك )

وبجد كلام جميل عن التصميم
مشكورة على الموضوع

بس تعالي هنا
انتي بتقولي
(المفروض اني ارفق صور , بس انا ما بعرف كيف ارفق الصورة بما اني بعدني مبتدءة و المشرفين عن الموقع طنشو استفساري عن كيف بنضيف صورة للموضوع ;) )

محد طنشك
وما شفت استفسارك عن الموضوع
على العموم سؤالك انا مجاوب عنه في موضوع في قسم الصور والتواقيع اسمه
كيفية اضافة الصور في مواضيع المنتديات...شرح بالصور
ورابط الموضوع
http://www.m3mare.com/vb/showthread.php?t=174

ان شاء الله بتشوفيه وبتصيري تعرفي تضيفي صور
وأي شيء عايزة استفسار عنه
خبريني فيه
وانشالله بلبيلك طلبك

تحياتي

ما شاء الله عزيزتي salam

موضوع ممتاز فعلا

بداية بتمنى من الجميع انو يكون فهم قصدك انو الحديث عن التصميم نفسو مش أسس التصميم

زي ما شبهو احد المهندسين " لوحة التصميم "

وبما انها لوحة تراعي فيها التكوينات الجيدة

والثقل والفكرة وتناسق الألوان و غيرها

لكن بدي أستفسر عن " الخطة 3,4 والهجوم من الأطراف "

شو المغزى أو العائد على التصميم منها ؟؟


بانتظار المزيد منك ....

تحياتي

تسلم يا ابو حميد يا كبير ,, بس العين ما بتعلى عن الحاجب و مهما نحكي بنضل أطفال و سنة اولى في محرابك,,و بالنسبة لكيف بنزل الصور,,يسلمو كتير على شرحك الوافي و الكافي وبوجه دعوة للمهتمين انهم يقرؤوا مقال عن الثقة بالنفس في المنتدى العام و ابقو احكولي كيف الدرجات
اما بالنسبة لاستاذ ارشي و هي مش خطة هجوم و لا اشي, بس هي مؤشر للتصميم بمعنى انو حلو انو الواحد يتعامل مع نسب متل النسبة الذهبية و نسبة 3:4:5 , لانو النسب هي اللي بتنظم الشغل و بتضل افضل من انو الواحد ياخد نسب ارتجالية و ما الها اساس,, و بعدين هادا مش كلامي هاد كلام مدرسينا الكرام اللي دايما بيعودونا على النسب و ما شابه (يا رب ما يكون حد من المدرسين قارئ المقال :eek: )

تسلمي كثير سلام
الموضوع كثير مفيد و طريقتك في التصميم ممتازة
و انا قاعد بحاول اصمم في الفيلا المطلوبة منا في مبادىء التصميم المعماري والبيئي و استفدت كثير من حكيك
و ان شاء الله تقدري ترفقي الصور الي حكيتي عنا علشان نستفيد اكثر
تحياتي

انا مبسوط منك كتير يا اخت على هذا الموضوع لانك بالفعل انتي تحدثت عن كل ما ينبع بداخلنا باتجاه التصميم ،وبتمني يكون كل المدرسين قراؤوه حتي يعرفوا افكارنا ،بس حبيت اضيف علي جملتك الاخيرة "هل عيني مرتاحة وهي تنظر أو لا ..."بس قد تكون مبهمة بالفعل تنظر الي اي شيء؟؟؟
المسقط ولا الالوان والاظهار فقط وان كان التصميم خاطيء ولا الى النظر في الفراغ نفسه بان نتخيله بحيث تنظر اليه العين وهي مرتاحة وقد تكون غير مرتاحة نتيجة بروز في الفراغ هذا البروز حاد وكذلك حابب اضيف الى مقالك بان الانسان يبدا التصميم بوضع سهم الشمال ثم يبدا بتوزيع الفراغات حيث يلائم الفراغات مع بعضها وظيفيا وعلى حسب توجيه اشعة االشمس واتجاه الرياح وبذلك يكون قد يواجه الانسان عدة مشاكل كتيرة بان لا ياتي معاه الفراغ الذي يريد على حسب اتجاه اشعة الشمس فعليه الا يياس بل يحاول كتيرا حتي يجد الحل الافضل ومن هنا تكمن براعة وعبقرية وموهبة الطالب عندما يجد الحل الافضل ثم يبدا بتخيل تلك الفراغات في البعد الثالث وفي الوجهات ويجب عليه ان يوفق بذلك وبذلك ان توفق الطالب منا في ذالك فهو اعطى تصميمه جمالا اكتر من لو امسك الالوان واخذ يلون ويرسم ولا مانع من ذلك فهو نور على نور
في النهاية حابب اركز على نقطة معينة يكون جمال تصميمك بحله وظيفيا ويتوفير متطلبات الوظيفة فيه وليس بالالوان
انا عارف اني كترت عليكي الكلام بس انا حقيقي بشكرك لان فتحتي موضوع مثل هذا والله يوفقك ياsalam

مشكورة يا سلام
الحكي هذا كتير ربي يوفقك ويوفقنا جميعا
ونصير فعلا مصممين على مستوى عالي

وبالنسبة للنسب
طبعا مهمة جدا وتعطي جمال للعمل المعماري تتقبله عين الرائي

مشكورة مرة تانية على الموضوع
تحياتي

تحية طيبة الى سلام

و انا مبسوطة كتير لانك معنا في المنتدى و بالنسبة للحكي عن التصميم ... فهو كتير و ما بخلص و انا برايي بضل كل واحد الو اسلوبه في التصميم و لو انو في الجامعة بركزو على خطوات معينة "تقريبا شبه الزامية" بخلو الطلاب يمشو عليها

اسلوبك في العرض كان كتير لطيف و ممتع ...... و خاصة لما زكرتي انو احنا بنتشفر كل مرسم :) :) بس كل هاد بهون قدام انو احنا جايين نتعلم ..

تمنياتي بالتوفيق للجميع

مرحبا يا سوسو
موضوعك رائع جدا ومفيد كتير فى مجال التصميم
اما قصة التشفير فى المراسم اااااااااااخ هو احنا بنتشفر بعقل بس الله بيعين
المهم مشكورة كتير على الموضوع بس بدى منك طلب
انتى حكينى ضمن كلامك عن شىء مهم كتير هو النسب يا ريت اذا بتقدرى تكتبى مقال توضحى فيه كيفية التعامل مع النسب بطريقة صحيحة
على فكرة انا ممكن اسالك فى المرسم بس عرفاكى ........ههههه لما اشوفك بحكيلك مالك

مع تحياتى

و كما وعدكم اني هازود الشرح بالصور ((و شكرا ادمينستريتور ابو حميد على شرحك بس يا رب اكون تلميذة شاطرة))
يلا بنلش
زي ما حكيت الكم انو التصميم غالبا بيكون اللو مركزية و في هادا المول بنشوف كيف المصمم خلا الدائرة هي مركز شغله و نظم كل الفراغات على اساسها,, و الشكل هادا بيذكرنا بالفناء العربي القديم بشكل مطور و باساليب بناء جديدة,,
و بنلاحظ الحكي هاد على المنظور::
http://www.w6w.com/w6w.php?pic=483677

و لازم الواحد يحط في باله عناصر التصميم كلها من الاساس و يشتغل دماغه كليرات ومش يسب التفاصيل للاخر,,لانو معروف عنا الطلاب (بديش اعمم على الاقل انا)) بنسي الاشياء التفاصيل لاخر اشي و بننزنق بالوقت و ما بنعملها مع انها هي اللي بتبين المشروع متل ما هنشوف في الدياجرام الاتي
http://www.w6w.com/w6w.php?pic=483690

بالنسبة لموضوع الالوان..
الواحد لما بختار الالوان لازم يختارها عن دراية و بمعنىلما بدنا نستخد اللون الاحمر(لوني المفضل) لازم نستخدمه بمساحات صغيرة و لتاكيد اشي معينو طبعا يفضل اضافة لون اسود عله..ليشمش علشانو لون احمر ,,,لأ علشان الاحمر من الالوان الدافئة و هي الوان ثقيلة بصريا على العين.. و يفضل استخدام الالوان المحايدة في المناطق الوساعة .. و تعلم من الطبيعة استخدام الالوان..(هلا محدش يقولي وين موضوع الالوان اللي وعدتي فيه)),, و تعالو نشوف هاد المشروع
http://www.w6w.com/w6w.php?pic=483656
اذا بنلاحظ المصمم استخد االلون الاحمر و لكن في تاكيد التغطيات لانها ما بتظهر في المسقط بشكل واضح و استخدم لون محايد في االمساحات الواسعة (يلا و هاي كمان محاضرة في الاظهار,, عيشوا))


و يا رب الصور تكون عجبتكم ,, مصدرها من مجلة البناء السعودي و كاد ماجازين,,

و دعواتكم جميعا النا و الكم بس بعد ما تتوضو
و لا اله الا الله

بجد موضوع رائع يسلمو ايديكى على هالمجهود

السلام عليكم,,
تشكرو انكو اعطيتو موضوعي جزء من اهتمامكم,, و بس حبيت اذكركم انو يا اخوان الكلام اللي انذكر كلو مجرد تلخيص للي اخدنا في الجامعة,,و انا ما هكيش عن قواعد و اسس تصميم لانو انا مش متمكنة منها و الا انا ليه جاية اتعلم ,, المهم

بالنسبة للعين و كيف بترتاح.. العين لما بترتاح للكل معناها انها ارتاحت ضمنا للجزء,, و التقييم النهائي لأي عمل معماري اكيد هيكون على الوظيفة و البيئة و الكتل و التشكيل و الابتكار و الانشائي..الخ,, فبالتالي انا رايي العين بترتحش الا للعمل المتكامل و الكمال لله اخ فلسطيني

بالنسبة لوفاء,, تسلميلي بس الظاهر انو قصة التشفير اجت على الجرح,, علشان كدة بتوجه للمدرسين و بقلهم ,,, رفقاً بالقوارير "اللي هم البنات"
و دعواتي بالتوفيق و النجاح للجميع
و لا اله الا الله

بارك الله فيك في الحقيقة تتحفينا كل مرة بالجديد والمعلومات القيمة التى بالتأكيد نحتاج لها ولكن ممكن الواحد يكون بيعرف القليل وا عنده فكرة خطأ

انت كتير ملمة بهذه الموضيع وان شاء الله بتكون في ميزان حسناتك والعطاء والجهد الي بتقدميه يستحق التقدير شرح وافي وجميل

ولكن والله اللون الاحمر بيسبب توتر وهو يذكر بيلون الدم لون الدم الفلسطيني الاحمر

تحياتي ونحن ننتظر الجديد.

اهلا سلام هالموضوع مفيد للغاية وشكرا الك

مشكورة كتير يا سلام على الموضوع واكماله

الله يوفقك

بعدين شو
رفقا بالقوارير
بسسس
شو احنا منين جايين

عم بمزح هاا
بالتأكيد من جد وجد ومن سار على الدرب وصل
والتوفيق للجميع ان شاء الله

تحياتي

:) موضوع جدا جميل ولكن بدي اسال سؤال لواحنا ما تشفرنا خلال المناقشة بالمرسم صدقيني كان ما اشتغلنا لهيك اسلوب التشفير وبالدراسة وخصوصا بالتصميم يعتبر حافز ممتاز لنا وبالنسبة لمراحل التصميم باعتقد انه لكل معماري اسلوبه والطالب بيختار الي بيناسبه في عملية التصميم وباتمنى للجميع التوفيق

اهلا بيكي يا فداء في المنتدى و الظاهر الحملة الاعلامية لموضوعي في المرسم و للمنتدى بشكل عام جابت نتيجة ,,,
المهم,, انتي يا فداء اكتر وحدة عارفة انو انا اللي بروح للمدرس و بحكيلو شفرني هلا لارتاح بعدين,,
و لو كنت انا مدرسة( و ان شاء الله بصير) هشفركو التشفير المعتبر ؛)

مرحبا....
ما شا الله عليكي يا سلام
اسلوبك حلو... وع فكرة انا بدرس عمارة ف الاسلامية بس لسه سنة تانية والموضوع كتير مفيد وحلو
بتمني دايما تتحفينا بمشاركاتك..
وانشا الله بتعرف عليكي ف الجامعة عن قريب اذا ممكن طبعا؟

مرحبا سوسو كلامك كلو حكم بس شو ناوية تشفري الطلاب حرام عليكي:mad:
ارحمو من في الارض يرحمكم من في السماء
اكيد ما عرفتيني :confused:
بلاش براحتك;)
سلاااااااااااااااااااااااااااااااااااااام يا سلام

شكرا على هذا الموضوع ولكن التصميم أكبر من هذا بكثير حيث أنه مجموعة أفكار وتخيلات ووظيفة تجسدها
الخطوط والرسوم

موضوعك كتيير حلو يا سلام .. بجد عجبني يعطيكي الف عافيا ... وموضوع التشفير مزبوط بيحفز .. بس احيانا ياعيوني بيحبط
بشكرك كمان مرة عالموضوع القيم

يا جماعة انا لسة جديد بس عندى طلب انا بدور على تصميم فلل مع الشرح ومش عارف اعمل اية ممكن حد يساعدنى